Fakultet va gospital terapiya, nefrologiya va gemodializ kafedrasi

Fakultet va gospital terapiya, nefrologiya va gemodializ kafedrasi

Ismatova Mehriniso Nasritdinovna

KAFEDRA MUDIRI

Kafedra xodimlari

Abdullayeva Umida Kurbanovna
PHD, DOTSENT
Maxmudova Lola Izzatilloyevna
PHD, ASSISTENT
Umurova Nigora Mavlonovna
ASSISTENT
Muxamedjanova Mastura Xayatovna
ASSISTENT
Safarova Gulnoz Avazxonovna
ASSISTENT
Amonov Muhammad Komil o’g’li
ASSISTENT
Maxmudov Ravshan Barrayevich
ASSISTENT
Ergashov Bobir Bahodirovich
ASSISTENT
Ubaydova Dilafruz Sadikovna
ASSISTENT
Jumayeva Madina Faxritdinovna
ASSISTENT
Qayumov Laziz Xolmurodovich
ASSISTENT
Abdullayev Ikrom Abduvaliyevich
ASSISTENT

Kafedra tarixi

Kafedra 1993 yil 13 avgustda institut rektori I.A. Mo‘minov buyrug‘iga asosan Buxoro viloyat klinik kasalxonasining terapiya va gastroenterologiya  bo‘limlari bazasida “Gospital terapiya kafedrasi” nomi  tashkil etilgan. Kafedra mudiri etib tibbiyot fanlari nomzodi A.M. Kaylakov tayinlangan. Shu davrda kafedrada  kafedrada davolash fakultetining 4-5- bosqich talabalari uchun gospital terapiya fanidan o’quv mashg’ulotlari olib borilgan.

1996 yilda kafedrada  ilk ilmiy xodimlari Z.N.Hamidova va SH.S. Isomitdinovalar aspiranturaga qabul qilingan.

1998 yilda institut rektori R.M.Axmedov buyrug‘i bilan kafedraga «Kasb kasalliklari», «Xalq tabobati», «Endokrinologiya», «Fizioterapiya, HDT» va «Gematologiya» kurslari  hamda  «Fakultet  terapiya» kafedrasi qo‘shilib, Fakultet va  gospital terapiya deb nomlandi.

1999 yil sentyabr oyida kafedra tarkibidan  « Kasb kasalliklari»,  « Xalq tabobati», «Fizioterapiya» kurslari chiqarilib, Fakultet va gospital terapiya  kafedrasi, gematologiya kursi bilan  deb nomlangan. Gematologiya kursiga t.f.n. K.J. Boltayev rahbarlik qilgan.

1995-2000 yillarda kafedrani tibbiyot fanlari doktori, professor  Z.J. Jalolov boshqargan.  2001 yildan kafedra tarkibida gematologiya va laboratoriya ishi, endokrinologiya fanlari mavjudligi inobatga olinib, kafedra “Fakul’tet va gospital terapiya, gematologiya, endokrinologiya kafedrasi” deb nomlangan. Kafedra mudiri etib tibbiyot fanlari nomzodi, dotsent K.J.Boltaev tayinlangan va 2019 yilgacha shu lavozimda faoliyat olib borganlar.

2012-2013 yillarda kafedra mudirligi lavozimida tibbiyot fanlari nomzodi,dotsent Z.N.Hamidova faoliyat olib borgan.

Kafedrada bakalavr talabalari bilan birgalikda gematologiya, terapiya, kardiologiya, klinik-laborator diagnostika mutaxassisliklari bo’yicha klinik ordinatorlar tayyorlangan.

Kafedraning ilmiy faoliyatini shakllantirish jarayonida bir qator kafedra xodimlari aspiranturada ta’lim olganlar va ilmiy ishlarini himoya qilganlar. Jumladan, Boltayev K.J. “Qari va keksa yoshda ferrokinetika”(14.00.29-gematologiya),  Nosirova M.SH. “Aterogen dislipoproteidemiyada qonnning lipid tarkibi va qon ivish sistemasini korreksiya qilishida  “Tekom”  dori  pereparatini qo‘llash samaradorligi” (14.00.06-kardiologiya) mavzusida, Xamidova Z.N. “Gastroduodenal patologiya bilan asoratlangan bronxial astmaning o‘ziga xos kechishi va kompleks terapiyaning effektivligi” (14.00.05-ichki kasalliklar), Axmedova N.Sh. “Surunkali buyrak kasalliklari rivojlanishi diagnostic prediktorlari va oldini olish yo`llari’(14.00.05-ichki kasalliklar) mavzusida nomzodlik dissertatsiyalarini himoya qildilar.

2013-yildan boshlab kafedrada ilk magistr qaldirg’ochlariga ta’lim berish boshlandi. Dotsentlar Boltayev K.J., Nosirova M.Sh., Xamidova Z.N.  rahbarliklarida 3 nafar magistr trapiya yo’nalishida ta’lim olib magistrlik dissertatsiyalarini himoya qildilar. Bugungi kunga qadar 15 dan ortiq magistr ta’lim olib ularning asosiy qismi kafedrada faoliyat olib bormoqda.

2020-2021 o’quv yilida kafedra tarkibidan gematologiya va klinik laborator diagnostika fanlari ajratib olinib alohida kafedra tashkil qilindi, fakultet va gospital terapiya kafedrasi esa nefrologiya va gemodializ, fakultet va gospital terapiya kafedrasi deb nomlandi

Kafedra mudiri lavozimida 2019 yildan PhD, dotsent N.Sh. Axmedova faoliyat olib bormoqda. Bugungi kunda kafedrada 3 ta PhD,  2 ta dotsent, 10 nafar assistentlar faoliyat olib bormoqda .

Kafedra Buxoro viloyati ko’p tarmoqli tibbiyot markazining hududida joylashgan. Kafedrada  davolash ishi yo’nalishi(60910200) va kasbiy ta’lim (tibbiy pedagogika)(5111000), 3-4-5-bosqich talabalari Ichki kasaliklar va harbiy dala terapiyasi, pediatriya, tibbiy profilaktika, tibbiy biologiya yo’nalishlari talabalari ichki kasalliklar fani bo’yicha ma’ruza, amaliy va klinik mashg’ulotlar o’tishadi. Buundan tashqari kafedrada terapiya yo’nalishi bo’yicha magistrlar, nefrologiya va gemodializ mutaxassislik bo’yicha klinik ordinatorlar tayyorlanadi.

Kafedra xodimlari

O’quv-uslubiy ishlari

Nefrologiya va gemodializ, fakultet va gospital terapiya kafedrasida davolash va tibbiy pedagogika, tibbiy profilaktika, tibbiy biologiya va pediatriya yo`nalishlariga ichki kasalliklar va harbiy dala terapiyasi fanlari, Xalqaro fakultet talabalariga esa ichki kasalliklar, nefrologiya va gemodializ fanlaridan ma`ruza, amaliy va klinik mashg`ulotlar malakali mutaxassislar tomonidan olib boriladi.

O`quv dasturi asosida kafedrada pulmonologiya, kardiologiya, gastroenerologiya, revmatologiya, nefrologiya va gemodializ bo`limlari bo`yicha mashg`ulotlar o`tiladi. Ma`ruza mashg`ulotlari malakali yetuk mutaxassislari tomonidan o`qiladi. Buxoro viloyat ko`p tarmoqli tibbiyotmarkazi bazasida pulmonologiya, allergologiya, kardiologiya, gastroenerologiya, revmatologiya, nefrologiya va gemodializ, endovaskulyar nurli tashxisot, rentgenologiya va funksional diagnostika bo`limlarida amaliy va klinik mashg`ulotlar olib boriladi.

Kafedrada barcha professor o`qituvchilar ichki kasalliklar yo`nalishi bo`yicha iqtidorli talabalar bilan faol shug`ullanib kelmoqdalar. Kafedrada iqtidorli talabalar bilan ishlash rejasi tuzilgan, reja asosida har bir o`qituvchi talabalar bilan muntazam respublika va xorij  miqyosidagi olimpiada va anjumanlarda ishtirok etib, faxrli o`rinlarni egallab kelmoqdalar.

Kafedra iqtidorli talabalari yutuqlaridan namunalar

Kafedrada 4 ta o‘quv qo‘llanma, 4 ta elektron darslik, 12 ta monografiya, 70 dan ortiq o‘quv uslubiy qo‘llanma, 12 ta EHM dasturga guvohnoma, 7 ta uslubiy tavsiyanoma o‘zbek-rus tillarida tayyorlanib, fanlar bo‘yicha mashg‘ulotlarda foydalaniladi.

Davolash va ma’naviy – tarbiyaviy ishlar faoliyati

Fakultet va gospital terapiya kafedrasi professor o’qituvchilari Buxoro viloyat ko’p tarmoqli tibbiyot markazi, viloyat Kardiologik dispanserida davolash ishlarini olib borishadi. Bundan tashqari haftaning belgilangan kunida kafedra xodimlari tomonidan biriktirilgan bo’limlarda  bemorlar ko’rigi amalga oshiriladi. Institut rektori tashabbusi bilan oilaviy poliklinikalarda klinik kafedralarning filiallari tashkil qilingan. Jumladan, 2021-yil aprel oyidan  Buxoro viloyati Kogon tumanidagi Ibn Sino oilaviy poliklinikasida kafedra filiali tashkil etilib, filialda talabalar uchun amaliy mashg’ulotlar, amaliyotdagi vrachlar uchun seminarlar tashkil etildi. Amaliy mashg’ulot jarayonida talabalar bevosita bemorlar bilan ishlab o’zlarining kasbiy  bilim va ko’nikmalarini oshirish imkoniyatiga ega bo’lmoqdalar.

Kafedrada muntazam ravishda talabalarning bo’sh vaqtlarini namunali tashkillashtirish, ularda vatanparvarlik kabi insoniy tuyg’ularni shakllantirish maqsadida  ma’rifiy-tarbiya tadbirlar tashkil etib kelinmoqda.

Jumladan, talabalar yotoqxonasida “Atrof muhitni muhofaza qilish”, “Giyohvandlik umr zavoli”, “Diniy ekstremizmga qarshi kurash” , “Sog’lom turnush tarzi- sog’lik garovi” mavzularida davra suhbatlari tashkil etildi. Kafedrada “Yosh terapevtlar”, “Yosh kardiologlar” kabi to’garaklar tashkil etilgan.

Ilmiy yo’nalishi

“AHOLI ORASIDA SURUNKALI NOINFEKSION KASALLIKLARNING TARQALGANLIGI,ULARNI ERTA ANIQLASH VA PROFILAKTIKASINI TAKOMILLASHTIRISH”

Kafedrada ilmiy xodimlar tarkibi

Ilmiy darajasi mavjud POʻ Ilmiy unvoni mavjud POʻ Tayanch doktorant Mustaqil izlanuvchi Magistratura talabasi
4 nafar PhD 2 nafar dotsent 3 nafar (PhD) 7 nafar 6 nafar

Himoya qilgan professor-o’qituvchilar

FIO Himoya mavzusi Himoya sanasi
1. Axmedova Nilufar Sharipovna Surunkali buyrak kasalliklari rivojlanishining diagnostik prediktorlari va oldini olish yo’llari  (PhD) 26.10.2019
2. Ismatova Mexriniso Nasritdinovna Insulinorezistentlik sindromida tomir trombotsitar gemostaz holati (PhD)   22.12.2020
3. Abdullayeva Umida Kurbanovna Surunkali xelikobakteri assotsiyalangan gastritlarda atrofik transformatsiyani bashoratlash (PhD) 2.07.2021
4. Maxmudova Lola Izzatilloyevna Turli tipdagi ichak taʼsirlanish sindromining mikroelementlar nomutanosibligi boʻlgan bemorlar hayot sifatini baholash (PhD) 26.10.2021

Hozirda ilmiy mavzularda faoliyat olib borayotgan professor-o’qituvchilar

FIO Hozirda ilmiy ish olib borayotgan mavzusi
1. Axmedova Nilufar Sharipovna Turli etiologiyali surunkali buyrak kasalliklarining zamonaviy laborator diagnostika va davo samaradorligini baholash (DSc)
2. Ismatova Mexriniso Nasritdinovna Surunkali gepatitlarni COVID-19 bilan kechishida buyrakdagi morfofunktsional o’zgarishlar (DSc)
3. Abdullayeva Umida Kurbanovna Nospetsifik yarali kolitda morfologik o’zgarishlar (DSc)
 4. Maxmudova Lola Izzatilloyevna Ichak ta’sirlanish sindromining morfologik xususiyatlari (DSc)
5. Muxammedjanova Mastura Xayatovna Surunkali gepatit C va yurak yetishmovchiligi bo’lgan bemorlarda kamqonlik tashxisotining ferrokinetik predikrorlari (PhD)
6. Qayumov Laziz Xolmurodovich Orttirilgan yurak poroklarida surunkali yurak yetishmovchiligi rivojlanishining o’ziga xosligi va diagnostic prediktorlari (PhD)
7. Maxmudov Ravshan Barrayevich Surunkali virusli gepatit B boʻlgan bemorlardagi aplaziyani tashxislash va davolashning zamonaviy jihatlari (PhD)
8. Ergashev Bobir Baxodirovich Onkologik bemorlarda ximioterapiya fonida yurak aritmiyalari rivojlanishini bashoratlash va oldini olish (PhD)
9. Amonov Muhammad Komilovich COVID-19 kasallangan va kasallanmagan shaxslardagi gipertoniya kasalligida nefropatiya rivojlanishida podotsitlar disfunksiyasi ahamiyatining solishtirma tahlili (PhD)
10. Safarova Gulnoz Avazxonovna COVID-19 oʻtkazgan “shartli sogʻlom” kishilarning buyraklar disfunksiyasini turli davrlarda oʻrganish (PhD)
11. Umurova Nigora Mavlyanovna Buxoro viloyati ekologik noqulay sharoitlarida pollinozlarning kechish va asoratlanish xususiyatlari (PhD)

Kafedra xodimlari ilmiy mahsulotlari

Monografiya Uslubiy tavsiyanoma Maqolalar
Scopus Xorij OAK Yuqori IFli jurnallar Milliy OAK
  7 8 8 20 35 30

Akademik mobillik va hamkorlik faoliyati

Nefrologiya va gemodializ, fakultet va gospital terapiya kafedrasi professor o’qituvchilari, magistrlari va ordinatorlari respublika hamda nufuzli xorijiy ta’lim muassasalari bilan akademik mobillik yo’lga qo’yilgan

Kafedraning gemotologiya mutaxassisligi boʻyicha tahsil olayotgan magistrtalabasi Hamdamov Ixtiyor 2020-yilda JICA tashkiloti tomonidan tashkil etilgan grantni yutib olib Tokyo medical and dental university ga o’kishga kirishga muvaffaq bo’ldi.

Hozirda ushbu universitetda yuqumli bo’lmagan kasalliklarni erta aniqlash va davolash yo’nalishida universitetdagi professorlar hamda World Health organisation, Harvard university, John Hopkins university, Oklahoma university dagi professorlar hamda mutaxassislardan tahsil olib kelyapti.

        2021 yil 11-25 oktyabrgacha kafedra dosenti M.N. Ismatova va kata ssistant U.K. Abdullayeva Qozog’iston Respublikasi Al-Farobiy nomidagi Qozog’iston milliy universitetida akademik mobillikni o’tab kelishdi. Akademik mobillik doirasida dosent M.N. Ismatova va  kata assistant U.K. Abdullayeva «Ментальное здоровье и COVID-19» konferensiyasida ishtirok etishdi.

2021 yil 18-22 noyabrgacha Turkiyaning Sog’lik bilimlari universiteti professori Ali O’zdemir kafedra akademik mobillik loyihasu bo’yicha talabalarga ma’ruzalar va mahorat darslarini o’tkazdi.

Institutda moddiy texnik bazani mustahkamlash, o’quv jarayonida talabalarda amaliy ko’nikmalarni shakllantirishni yo’lga qo’yish maqsadida nufuzli xorijiy ta]lim muassasalaridan biri bo’lgan Turkiyaning Koch universiteti bazasi bilan tanishish va tajriba almashtirish maqsadida N.Sh. Axmedova tashrif buyurdi. U yerda gematologiya, klinik-laboratoriya va ichki kasalliklar yo’nalishida talabalarni amaliy bilimlarini mustahkamlashda qo’llaniladigan ta’lim usullari, moddit texnik bazasi va xorijiy ta’lim usullari bilan tanishib, ularni institutda yo’lga qo’yish rejalari tuzildi.

Buxoro davlat tibbiyot instituti Nefrologiya va gemodializ, fakultet va gospital terapiya kafedrasi magistrlarining Yevropa Ittifoqi davlatlarining ERASMUS+  IHOD  loyihasi  doirasidagi  akademik mobilliggi

Abu Ali ibn Sino nomidagi Buxoro davlat tibbiyot instituti Nefrologiya va gemodializ, fakultet va gospital terapiya kafedrasi terapiya mutaxassisligi bo`yicha magistratura talabasi Giyosova Nigora Odiljonovna ERASMUS+IHOD loyihasi doirasida Irlandiyaning Dublin shahrida 4-noyabrdan 29-noyabrgacha bo`lib o`tgan talabalar akademik mobilligida ishtirok etdi. Akademik mobillik  University College Dublin universitetida tashkil etildi. Mobillik davomida Rossiyaning Kazan, Tomsk, Vladivostok, Vetnamning Hanoy va O`zbekistonning Toshkent va Buxoro viloyatlari Tibbiyot institutlaridan qatnashgan talabalar:

  1. Health Policy, Quality and Health Economics
  2. Global Health and Health Informatics
  3. Advanced Research Methods
  4. Bio-Statistics in Public Health
  5. Epidemiology of Chronic Disease
  6. Chronic disease Case Managment
  7. Leadership and Management Strategies
  8. Person-Centered Care
  9. Health Education and Promotion
  10. Practice Application
  11. Research Project – Applied to Practice

mavzularida mutaxassislardan ma`ruzalar tingladilar. O`qish davomida talabalar kichik guruhlarga ajratilib, har bir guruh o`zlariga berilgan mavzular bo`yicha kurs oxirida ma`ruza qilishdi. Kursni muvaffaqiyatli tugatgan talabalar loyiha tomonidan sertifikat bilan taqdirlandilar.

Kafedra va viloyat hududidagi Peshku tumanida joylashgan Afshona tibbiyot kollejida o’quv va uslubiy ishlar doirasida hamkorlik o’rnatilgan. Hamkorlik doirasida ma’ruzalar va amaliy mashg’ulotlar o’tkazib kelinmoqda.

EHM dasturlari

Kafedrada nashr etilgan o`quv qo`llanmalar

Kafedra professor o`qituvchilari tomonidan chop etilgan o`quv uslubiy qo`llanmalar