Biofizika va tibbiyotda axborot texnologiyalari kafedrasi
17.12.2021 2024-06-27 12:26Biofizika va tibbiyotda axborot texnologiyalari kafedrasi
Xalloqov Farhod Karimovich
Kafedra mudiri
Kafedra xodimlari
professor
professor
Katta o’qituvchi
O’qituvchi
O’qituvchi
O’qituvchi
O’qituvchi
O’qituvchi
O’qituvchi
O’qituvchi
Kafedra tarixi
Kafedra institut rektori professor A.I.Mo‘minovning 1990 yil 22 noyabr №71 2/2 §4 buyrug‘i asosida tashkil qilindi.
1990 yil kafedraga «Biofizika» deb nom berilgan, kafedrada biofizika, matematika va informatika asoslari fanlari o‘qitilgan. Kafedra mudiri etib dots D.Jurayev 1991 yil tayinlangan. Kafedrada dotsentlar M.S.Sottikulov , S.F.Shodiyev, S.Hojiyevlar ishlaganlar.
1994 yildan kafedra mudiri etib dots. S.X.Umarov tayinlandi. Bu davrga kelib kafedraga «Biofizika va kompyuter texnikasi» deb nom berilgan va kafedrada 3 ta fan «Tibbiy va biologik fizika», «Kompyuter texnikasi» va «Tibbiyot texnikasi va tibbiyotda yangi texnologiyalar» fanlari o‘qitilgan bo‘lib, dotsentlar M.S.Sottiqulov , S.F.Shodiyev, A.Hayitov, assistenlar J.D.Ashurov, B.S. Qurbonov, F.Mustafakulovalar va O’.O.Xodjayevalar faoliyat ko‘rsatganlar.
2001 yildan – 2003 yilgacha kafedra mudiri lavozimiga dotsent O.U.Sharopov tayinlandi. Bu davrga kelib dotsent S.F.Shodiyev. t.f.n. B.J.Safarov, dots. S.X.Umarov, assis. J.D.Ashurov, B.S.Qurbonov, M.Bozorov, F.Mustafakulovalar talabalarga saboq berdilar.
2003 yilda kafedra mudiri etib dots. S.F. Shodiyev tayinlandi. Kafedrada f-m.f.d. S.X.Umarov, dots. S.F.Shodiyev, dots. O.U.Sharopov, assistentlar J.D.Ashurov, B.S.Qurbonov, O’.O.Xodjayev, R.R.Hamroyevlar faoliyat ko‘rsatganlar.
2005-2021 yillar davomida kafedrani f.-m.f.d., professor S. X. Umarov boshqarib kelgan. Kafedrada F.-m.f.d., prof. S.X.Umarov, f.-m.f.n. X.G. Najmudinov, M.R.Nazarov, J.D.Ashurov, O’.O.Xodjayev, R.R.Hamroyev, F.R.Murodova, T.R.Ruziyev, F. K.Xalloqov, Sh.N.Murodov, Z. M.Narzullayeva, Sh.F.Davronova, R.S.Safarovalar faoliyat olib borishgan.
2021-2022 o’quv yildan e’tiboran kafedra “Tibbiyotda innovatsion va axborot texnologiyalari, biofizika” deb nomlandi. Kafedrani fizika-matematika fanlari bo’yicha falsafa doktori (PhD) J.D.Ashurov boshqarib kelmoqda. Hozirgi kunda kafedrada f.-m.f.d., professor S.X.Umarov, f.-m.f.d., professor M.I.Gulamov, p.f.d. (PhD), dotsent Sh.F.Davronova, katta o’qituvchi R.R.Hamroyev, assistentlar B.B.Nabiyev, S.A.Temirov, Z.M.Narzullayeva, R.G’.Yunusova, Z.H.Fayziyeva, Sh.Q.Nizomova, V.K.Raximova, J.J.Kamolov, Sh.E.Davronovlar faoliyat ko‘rsatib kelyaptilar.
Hozirgi vaqtda “Tibbiyotda innovatsion va axborot texnologiyalari, biofizika” kafedrasi kondensirlangan holat fizikasi, matematika, elektron pedagogika sohalarida ilg’or tadqiqotlarni olib bormoqda. So’nggi uch yil mobaynida kafedraning 2nafar o’qituvchilari fizika-matematika, 1 nafar o’qituvchilari pedagogika fanlari bo’yicha dissertatsiyalarini muvaffaqiyatli himoya qilib falsafa doktori (PhD) ilmiy darajasiga ega bo’lishdi. Jumladan, f.-m.f.d., professor S.X. Umarov raxbarligida kafedrada katta o‘qituvchisi J.D. Ashurov O‘zFA ning Yadro fizikasi institutida “TlInSe2 Monokristallarining va ular asosidagi qattiq eritmalarning tenzorezistiv xususiyatlari” mavzusida, kafedra o’qituvchisi Sh.N. Murodov esa Ispaniyada M.Ladra, U.A.Rozikovlarning ilmiy rahbarliklarida “Evolyutsion algebralar zanjirlarining dinamikasi” mavzusida, Sh.F.Davronova p.f.d., professor U.Sh.Begimkulov rahbarligida “Ta’lim sifatini ta’minlashda elektron resurslardan foydalanish metodikasini takomillashtirish” mavzusidagi doktorlik dissertatsiyalarini himoya qildilar.
Kafedraning ilmiy ishlari xalqaro ilmiy va o’quv markazlari bilan chambarchas bog’liq. Kafedra xodimlari milliy va xalqaro ilmiy -texnik loyihalarni amalga oshirishda faol ishtirok etadilar.
Olib borilayotgan ilmiy tadqiqotlar esa o’z navbatida bizga kafedra talabalari uchun o’quv dasturlarini eng zamonaviy darajada ishlab chiqish imkonini beradi. Kafedra xodimlari “Davolash”, “Pediatriya”, “Stomatologiya”, “Tibbiy profilaktika, Tibbiy biologya va Xalq tabobati” fakultetlari talabalariga “Tibbiyotda axborot texnologiyalari”, “Ta’limda axborot texnologiyalari”, “Biofizika”, “Matematika va matematik statisytka” kabi fanlarni o’qitadilar.
Har bir ma’ruza ko‘rgazmali tarzda yangi pedagogik texnologiyalar va uslublari qo‘llab o‘tkaziladi va har bir mavzu tibbiyot nazariyasi va tibbiyot amaliyoti bilan bog‘lanadi hamda yangi axborot-kommunikatsiya texnologiyalardan to‘liq foydalangan holda, xususan multimedia vositalari yordamida olib boriladi.
Laboratoriya va amaliy mashg’ulotlarda talabalar nazariy olgan bilimlarini mustaqil va bevosita o‘qituvchi nazoratida amaliyotda sinab ko‘radilar va mustaqil-ilmiy asoslangan mavzular bo‘yicha muayyan ishlarni bajaradilar hamda natijalar oladilar. Bu darslarda talabalar asosan nazariy olgan bilimlarini turli xil tibbiy misol-masalalarni kompyuterlar orqali hal qilish usullari bilan tibbiy amaliyotga o‘z bilimlarini bog‘laydilar va amalda tadbiq qilib ko‘radilar.
Kafedra professor-o‘qituvchilari mashg‘ulotlar davomida talabalar bilan vatanparvarlik, mafkuraviy, fuqarolik, huquqiy, estetik, ekologik va salomatlik tarbiyasiga oid suhbatlar olib borishadi. Ushbu suhbatlarda mafkura nimaligi uning insoniy fazilat sifatidagi talqini, fuqarolik va huquqiy tarbiyaning mohiyati, ekologiya va salomatlik haqida doimiy ravishda ma’lumotlar berilib boriladi.
O‘qituvchilarimiz dars o‘tish jarayonidan tashqari talabalar yotoqxonasida ham doimiy ravishda turli qiziqarli mavzularda suhbatlar uyushtirishadi. Jumladan, bu borada kafedramiz professor – o‘qituvchilari tomonidan talabalar yotoqxonasida talabalarning burchi, vatanga sodiqligi hamda ularninig ma’naviy, ma’rifiy, axloqiy jixatdan yetuk va yaxshi mutaxassis bo‘lib yetishishlariga qaratilgan ko‘pgina uchrashuvlar davriy ravishda o‘tkazib boriladi.
Ma'naviy-ma'rifiy ishlar
Mamlakatimizda amalga oshirilayotgan keng qamrovli islohotlar va bunyodkorlik ishlari natijasida xalqimizning ongu tafakkuri, dunyoqarashi o‘zgarmoqda. Yurtimizda huquqiy davlat, fuqarolik jamiyatini barpo etishda «Milliy tiklanishdan — milliy yuksalish sari» degan hayotbaxsh g‘oyaning ahamiyati tobora ortib bormoqda.
Bu borada olib borilayotgan muhim ishlarga qaramasdan, ijtimoiy, iqtisodiy va siyosiy sohalardagi yangilanishlar jarayonida ma’naviy-ma’rifiy islohotlarning samaradorligiga to‘siq bo‘layotgan bir qator tizimli muammolar saqlanib qolmoqda.
Xususan, ma’naviy-ma’rifiy jarayonlarni tashkil etishda yaxlit tizim mavjud emas, xalqimiz, ayniqsa yoshlarni ma’naviy tahdidlardan himoya qilish borasida yetarli darajada tashkiliy-amaliy va ilmiy-tadqiqot ishlari olib borilmayapti, ushbu yo‘nalishda davlat tashkilotlari, fuqarolik jamiyati institutlari, ommaviy axborot vositalari hamda xususiy sektorning ijtimoiy hamkorligi samarali yo‘lga qo‘yilmagan.
Buxoro davlat tibbiyot instituti Tibbiyotda innovatsion va axborot texnologiyalari, biofizika kafedrasida avgust oyi 2021 yil o’quv yili boshlanishida ma’naviy-ma’rifiy ishlar ishchi rejasi kafedrada ma’naviy-ma’rifiy ishlar bo‘yicha ma’sul tomonidan tuzildi va tasdiqlatildi. Kafedra xodimlari bilan har oyning ikkinchi dushanbasi ma’naviy-ma’rifiy ishlar bo‘yicha yig‘ilish amalga oshirish belgilandi..
Odob-axloq va ichki tartib qoidalari buyicha kafedra professor-o‘qituvchilari va darsda ishtirok etadigan talabalarga ham unda belgilab o‘tilgan har bir bandlari bo’yicha alohida tushuntirish ishlari olib borilgan va bayonnomalashtirilib qayd qilib qo‘yilgan.
Oliy ta’lim tashkilotidagi ma’naviy-axloqiy muhitini, pedagoglarning axloqiy sifatlarini ma’naviy-ma’rifiy ishlar va yoshlar bilan ishlash bo‘yicha mas’ul bo‘lim kafedrada olib borilayotgan ma’naviy- ma’rifiy ishlar yuzasidan tahliliy ishlarni olib borgan va o’z nazoratiga olgan.
Kafedrada faoliyat yuritayotgan professor-o’qituvchilar tomonidan Xorijiy talabalar bilan suxbat o’tkazib ularning yashash sharoitlarini o’rganish va ko’maklashish maqsadida davra suhbati tashkil qilindi.
Tibbiyotda innovatsion va axborot texnologiyalari , biofizika kafedrasi tomonidan “Ulkan koinotning bir zarrasimiz” nomli tadbir Buxoro davlat universiteti “Umumiy fizika ” kafedrasi katta o’qituvchisi M.N.Narzullaev bilan hamkorlikda tashkil kilindi.
Tadbir juda ko’tarinki ruhda tashkil qilindi va talabalarda katta qiziqish va savol-javoblarga boy o’tdi.
Kafedrada faoliyat yuritayotgan professor-o’qituvchilar tomonidan Xorijiy talabalar bilan suhbat o’tkazib ularning yashash sharoitlarini o’rganish va ko’maklashish maqsadida davra suhbati tashkil qilindi.
Talabalar turar joyida talabalarning o‘qishlari, ularning dam olishlari hamda talabalarning xavfsizliklarini ta’minlash uchun kafedra professor-o‘qituvchilari navbatchilik asosida xavfsizlikni ta’minlab berishda ishtirok etganlar. Hamda ularning dam olishlari uchun talabalar turar joyida kafedra professor-o’qituvchilari ishtirokida tadbirlar tashkillashtirilib bayonnomalar qayd qilib qo‘yilgan.
Ichki turizimni yanada rivojlantirish, buyuk ajdodlarimizning faoliyati va qoldirgan me’rosini chuqurroq o‘rganish maqsadida Buxoro davlat tibbiyot institutining bir guruh professor-o‘qituvchilari va jamoa ishchi xodimlari bilan Samarqand shaxrining tarixiy obidalariga institutning “Yoshlar bilan ishlash , ma’naviy-ma’rifiy ” ishlar bo‘limi tomonidan sayohat uyushtirildi. Ushbu sayohatga kafedraning bir guruh o‘qituvchilari ham jalb qilindi.
Tibbiyotda innovatsion va axborot texnologiyalari, biofizika kafedrasida ma’naviy va ma’rifiy ishlari reja asosida risoladagidek davom etmoqda
