❗️Hurmatli professor-o‘qituvchilar, aziz talabalar va abituriyentlar!

✅ Korrupsiya — mamlakatimiz taraqqiyotiga, jamiyatimiz ma’naviyatiga va xalqimiz ishonchiga katta xavf tug‘diradigan illatdir. Shu bois yurtimizda barcha sohalar qatori oliy ta’lim tizimida ham korrupsiyaga qarshi keskin va murosasiz kurash olib borilmoqda.

📌 Prezidentimiz Shavkat Mirziyoyev ta’kidlaganidek, “Korrupsiyaga qarshi kurashish umummilliy vazifa, har bir vatanparvar yurtdoshimizning vijdon ishi”. Shu ma’noda, har birimizning halollikka sodiq turishimiz, qonun ustuvorligini ta’minlashga hissa qo‘shishimiz muhim ahamiyatga ega.

🔎 Afsuski, ayrim holatlarda abituriyentlarni noqonuniy yo‘llar bilan talabalikka qabul qilishga harakat qilish, turli vositachilik yoki manfaatlar to‘qnashuvi kabi salbiy holatlar uchrab turadi. Bunday illatlar nafaqat ta’lim jarayoni samaradorligiga, balki butun oliy ta’lim tizimiga putur yetkazadi.

➡️ Shu boisdan institutimizda ochiqlik va shaffoflikka alohida e’tibor qaratilmoqda. Barcha qabul jarayonlari faqat qonun doirasida, Davlat test markazi orqali amalga oshiriladi. Hech kimning Sizni pora evaziga talaba qilishga haqqi yo‘q! Siz faqat o‘z bilimingiz va mehnatingiz orqali adolatli tanlovdan o‘tib, talabalikka erishasiz.

🧑🏻‍🏫 Hurmatli professor-o‘qituvchilar!

Sizlardan asosiy kutilgan vazifa — yoshlarimizni bilim va tarbiya orqali yuksak maqsadlarga yetaklash. Bizdan talab etiladigan eng muhim sifat — halollik va poklikdir. Har bir pedagog bu muqaddas kasb ortida inson taqdiri, yurt kelajagi turganini unutmasligi kerak.

👩🏻‍🎓 Aziz talabalar va abituriyentlar!

Sizlarning bilim olishingiz, mehnatingiz va intilishingiz — Sizning eng katta kuchingizdir. Inson faqat o‘z mehnati bilan topgan yutug‘iga haqiqiy baxt va qoniqish hissi bilan erishadi.

✅ Institutimizda korrupsiyaga qarshi qat’iy choralar ko‘rilmoqda:

ta’lim jarayonida ochiqlik va hisobdorlikka amal qilish;

raqamli tizimlar orqali hujjat aylanishini yo‘lga qo‘yish;

professor-o‘qituvchilar va xodimlarning mas’uliyatini oshirish;

talabalar va jamoatchilik bilan muloqotni kuchaytirish.

❗️Hurmatli hamkasblar, talabalar va yurtdoshlar!

Kelajagimiz poklik va adolatga tayanadi. Biz barchamiz birgalikda harakat qilsakkina, tibbiyot sohasini korrupsiyadan xoli, haqiqiy xalqchil va samarali tizimga aylantira olamiz.

📲 Agar Siz institutimizda yoki boshqa ta’lim jarayonlarida noqonuniy holatlarga guvoh bo‘lsangiz, bu haqda bevosita institut rahbariyatiga yoki mas’ul tuzilmalarga murojaat qilishingizni so‘rayman. Har bir murojaat batafsil ko‘rib chiqilib, zarur choralar ko‘riladi.

‼️ Eslatib o‘taman: korrupsiyaga qarshi kurashish faqat davlat yoki rahbariyatning emas, balki har birimizning vijdon va fuqarolik burchimizdir.

Shuxrat Teshaev, Abu Ali ibn Sino nomidagi Buxoro davlat tibbiyot instituti rektori