Abu Ali ibn Sino nomidagi Buxoro davlat tibbiyot institutida ijtimoiy tarmoqlarda soxta profillar orqali amalga oshirilayotgan kiberfiribgarlik holatlarining oldini olish hamda xodimlarning raqamli savodxonligini oshirish maqsadida yagona onlayn seminar-trening tashkil etilmoqda.

Mazkur tadbir O‘zbekiston Respublikasi Buxoro viloyati hokimligi apparatining tegishli xati ijrosini ta’minlash hamda institut rektorining buyruq hujjatiga muvofiq o‘tkaziladi. Unda ijtimoiy tarmoqlarda yuqori lavozimli mansabdor shaxslar nomidan yaratilgan soxta akkauntlar orqali xodimlarni chalg‘itish, moliyaviy zarar yetkazish va turli ko‘rsatmalar berish kabi holatlar yuzasidan profilaktik tushuntirishlar olib boriladi.

Seminar davomida ishtirokchilarga:
— soxta akkauntlar orqali berilayotgan topshiriqlarni tekshirish tartibi;
— moliyaviy va axborot xavfsizligiga tahdidlarni aniqlash usullari;
— real vaziyatlarga yaqin amaliy keyslar;
— mutaxassis va ekspert tavsiyalari;
— savol-javob sessiyasi taqdim etiladi.

📅 Sana: 13-fevral 2026
🕐 Vaqt: 10:50 – 12:35
💻 Platforma: Zoom

👥 Ishtirokchilar: institutning barcha xodimlari

Tadbirni tashkil etish va koordinatsiya qilish Raqamli ta’lim texnologiyalari markazi zimmasiga yuklatilgan. Seminar yakunida qatnashuvchilar ro‘yxati shakllantiriladi hamda tegishli hisobot hujjatlari belgilangan tartibda rasmiylashtiriladi.

Mazkur seminar xodimlarda axborot xavfsizligi madaniyatini mustahkamlash, kiberfiribgarlik xavflariga nisbatan ogohlikni oshirish hamda raqamli muhitda xavfsiz faoliyat yuritish ko‘nikmalarini shakllantirishga xizmat qiladi.

🔗 Zoom havola: https://us05web.zoom.us/j/87298839602?pwd=yHZbGO2bRVmD7Sx3fv0u6C3JGXJFzo.1
🔐 Konferensiya identifikatori: 872 9883 9602
Kirish kodi: 12345