Abu Ali ibn Sino nomidagi Buxoro davlat tibbiyot institutida xorijiy talabalar, xususan, General Medicine (Gen Med) yo‘nalishida tahsil olayotgan talabalar o‘rtasida o‘zbek tilidan olimpiada tashkil etildi. ​Mazkur olimpiada Oliy ta’lim, fan va innovatsiyalar vazirligining 2026-yil 3-avgustdagi 321-son buyrug‘i bilan tasdiqlangan Nizom asosida o‘tkazildi. Uning asosiy maqsadi xorijiy talabalarning o‘zbek tiliga bo‘lgan qiziqishini oshirish, til o‘rganishga intilishini rag‘batlantirish, iqtidorli talabalarni aniqlash va qo‘llab-quvvatlashdan iborat. ​Olimpiada davomida ishtirokchilar o‘zbek tili bo‘yicha bilim va ko‘nikmalarini namoyon etdilar. Sinovlar tinglab tushunish, o‘qib tushunish, leksik-grammatik test, yozma nutq hamda milliy-madaniy bilimlar yo‘nalishlarini qamrab oldi. ​Tadbir xorijiy talabalarning o‘zbek tili muhitiga moslashuviga ko‘maklashish, ularda milliy madaniyatimizga nisbatan qiziqishni oshirish, shuningdek, turli xalqlar o‘rtasidagi do‘stlik va madaniyatlararo muloqotni mustahkamlashga xizmat qildi. ​Olimpiada natijalariga ko‘ra, g‘oliblar quyidagicha aniqlandi: ​

​G‘olib va faol ishtirokchilar munosib rag‘batlantirildi. ​O‘zbek tilini o‘rganishga bo‘lgan bunday e’tibor xorijiy talabalarning mamlakatimizga, milliy qadriyatlarimiz va madaniyatimizga bo‘lgan qiziqishini yanada oshirishga xizmat qiladi.

​O‘zbek tili — millatlarni birlashtiruvchi, do‘stlik va hamjihatlikni mustahkamlovchi bebaho ma’naviy boylikdir. ​

Abu Ali Ibn Sino nomidagi Buxoro davlat tibbiyot instituti axborot xizmati