​2026-yil 15-oktabr kuni Abu Ali Ibn Sino nomidagi Buxoro davlat tibbiyot institutida “Biologiya va tibbiyot integratsiyasi: ta’lim, innovatsiya va sun’iy intellekt istiqbollari” mavzusida xalqaro ilmiy-amaliy konferensiya o‘z ishini boshladi.
​Anjuman biologiya va tibbiyot fanlari integratsiyasini rivojlantirish, zamonaviy ta’lim va ilmiy tadqiqotlarda innovatsion yondashuvlarni keng joriy etish hamda sun’iy intellekt imkoniyatlaridan samarali foydalanish masalalariga bag‘ishlandi.
​Konferensiya doirasida tibbiy biologiyaning zamonaviy tendensiyalari, raqamli texnologiyalar va sun’iy intellektning tibbiyotdagi samaradorligi, molekulyar-biologik tadqiqotlarning ahamiyati hamda xalq tabobatining fundamental va klinik tibbiyot bilan integratsiyasi kabi dolzarb yo‘nalishlar muhokama qilindi.

​Shuningdek, noinfeksion kasalliklarni o‘rganishda biotibbiy yondashuvlar, ularning oldini olish va davolashda xalqaro tajriba hamda zamonaviy ilmiy yechimlarning ahamiyatiga alohida e’tibor qaratildi.