Abu Ali ibn Sino nomidagi Buxoro davlat tibbiyot institutining Amerika Qo‘shma Shtatlari bilan hamkorlik aloqalari mustahkamlanayotgani yurtimiz ta’lim tizimining rivojlanayotganidan dalolat.

Yaqinda sog‘liqni saqlash vaziri Amrillo Inoyatov boshchiligidagi delegatsiyaning Qo‘shma Shtatlarga qilgan safari davomida imzolagan shartnoma va kelishuvlar fikrimizning yorqin dalilidir.

Shu kunlarda AQShning  Michigan universiteti professori Doktor Muhammad Gaziuddin Buxoroda bo‘lib, institutning Psixatriya narkologiya va tibbiyot psixologiyasi kafedrasi o‘qituvchilari bilan institut talabalariga mahorat darslari o‘tdi. 

Doktor Muhammad Gaziuddin janoblari talabalarga va kafedra jamoasiga boy tajribasi, ilmiy salohiyati hamda “okean orti” tajribasi to‘grisida batafsil ma’lumotlar berib, kafedra jamoasini Amerikaga taklif qildi.