Buxoro viloyatidagi oliy ta’lim muassasalari rahbariyati va professor-o’qituvchilari tomonidan haftaning Juma tonggida ziyorat velomarafoni tashkil etishi mana ikki-uch yildirki an’anaga aylandi. Qishning sovug’ida, bahorning yoqimli havosida, yozning sahar salqinida va oltin kuzning tarovatli kunlarida bu an’ana doimiy davom etmoqda.

Bugun “Ziyorat velomarafoni”ning navbatdagi manzili Chor bakr me’moriy majmuasi bo’ldi.
Buxoro davlat universitetidan yo’lga chiqqan jamoa 10 kilometr masofani bosib o’tib Chorbakr memoriy majmuasini ziyorat qilishdi.

Erta tongdan duoga qo’l ochib, go’zal tilaklar bildirishdi.

Ta’kidlash joizki, buxorolik olimlar yurtimiz bo’ylab sog’lom turmush tarzi va muntazam sport bilan shug’ullanishni targ’ib qilishda amaliy namuna ko’rsatishmoqda.