Abu Ali ibn Sino nomidagi Buxoro davlat tibbiyot instituti rektori Sh.Teshayevning talabalar bilan uchrashuvlari davom etmoqda.

Ochiq muloqot tarzidagi uchrashuvda institutda yoshlar uchun yaratilgan ko’plab imkoniyatlarni ta’kidlab, talabalarni ulardan unumli foydalanishga chaqirdi. Bundan tashqari talabalar uchun simulyatsiya markazi tashkil etilganligi va u yerda talabalar o’z malakalarini oshirishi mumkinligini ta’kidlab o’tdi.
Professor Sh. Teshayev bugungi kunda dunyoning 20dan ortiq davlatlari bilan doimiy hamkorlik aloqalar olib borilayotgani va talabalar ham bu imkoniyatdan unumli foydalanib qolishi zarurligini ta’kidladi. Bugungi kunda rus, ingliz, koreys tilini o’rganish uchun institutda talabalar uchun o’quv markazlari tashkil etilganini eslatib, kelgusida chet tillarini biladigan kadrlar nafaqat mamlakatimiz, balki dunyoning nufuzli muassasalarida faoliyatini davom ettirishi mumkin. 

Bundan tashqari uchrashuv davomida talabalar o’z fikr mulohazalarini bildirishdi va o’zlari qiziqtirgan savollarga javob olishdi.