Avval xabar berilganidek, O‘zbekiston Respublikasi Prezidentining 2024 yil 21 fevraldagi PF–37-son Farmonining 1-bandida alohida ishlash talab etiladigan yoshlarni mas’ul rahbarlarga nomma-nom biriktirish amaliyotini joriy etilgan.

Mazkur topshiriqni joylardagi barcha rahbarlar ijrosi ustida ish olib borishmoqda. Ya’ni, ularga biriktirilgan muammoli yoshlarning masalalari o‘rganilib, ularga aniq yechimlar topilmoqda.

Abu Ali ibn Sino nomidagi Buxoro davlat tibbiyot instituti rektori Shuhrat Teshayev va G’ijduvon tuman hokimi o’rinbosari Jonibek Jumayev tumandagi mahallalarda istiqomat qiluvchi ehtiyojmand xonadonlardagi 15 nafar yoshlar holidan xabar olishdi.

Jumladan, Shuhrat Teshayev ham o‘ziga biriktirilgan yoshlardan biri G’ijduvon tumanida istiqomat qiluvchi Shaxzoda Sultonovaga Navoiy Davlat Pedagogika Institutiga faxrli o’rinlarda qabul qilinganligi va dars jarayonlarida faol ishtirok etishi uchun qimmatbaxo telefonni taqdim etdi.

Taqdimot davomida Sultonova Shaxzoda mamnuniyati va quvonchini shu satrlar orqali bayon etdi: “Men bugungi menga taqdim etilgan qimmatbaxo sovg’adan boshim osmonga yetdi va bu telefondan dars jarayonlarida samarali foydalanaman”– deya ta’kidladi.

Rektor boshchiligida institut jamoasining mazkur toifadagi yoshlar muammolarini o‘rganish hamda hal qilish ishlari muntazam amalga oshirilyapti.