Buxoro davlat tibbiyot instituti tomonidan “Somoniylar” istirohat bog‘ida milliy qadriyatlarimizni targ‘ib etishga qaratilgan “Milliy qadriyatlar sayli” tashkil etildi.

Tadbir davomida o‘zbek xalqining urf-odat va an’analarini aks ettiruvchi kelin salom, beshik to‘yi kabi sahna ko‘rinishlari namoyish etildi. Shuningdek, ming yillardan buyon davom etib kelayotgan etnosport turlari — kurash, tosh ko‘tarish, arqon tortish, chillik hamda besh tosh kabi milliy o‘yinlar ishtirokchilarga ko‘tarinki ruh bag‘ishladi.

Sayl davomida mehmonlar, talabalar hamda xorijlik sayyohlar an’anaviy xalq tomoshalari, milliy kuy-qo‘shiqlar va raqslar bilan yaqindan tanishib, unutilmas taassurotlarga ega bo‘lishdi.