Bugun Buxoro davlat tibbiyot institutida “Yevrosiyo hududida ruhiy salomatlikni himoya qilish: global maqsadlar va harakatlar” mavzusidagi Birinchi O‘zbekiston–Rossiya forumi o‘z ishini boshladi.

Anjumanni institut rektori Shuhrat Jumayevich Teshayev kirish so‘zi bilan ochdi. U o‘z nutqida forumning ruhiy salomatlikni muhofaza qilish, zamonaviy ilmiy yondashuvlarni amaliyotga joriy etish hamda xalqaro hamkorlikni mustahkamlashdagi ahamiyatini ta’kidladi.

Tadbirda nufuzli xorijiy va mahalliy professor-o‘qituvchilar, yetakchi mutaxassislar hamda ekspertlar ishtirok etmoqda. Ular psixiatriya va narkologiya sohalaridagi dolzarb masalalar, milliy xizmatlarni rivojlantirish hamda ilmiy yutuqlarni amaliyotga tatbiq etish yo‘nalishida fikr almashmoqdalar.