​Kecha Abu Ali Ibn Sino nomidagi Buxoro davlat tibbiyot institutida 13-oktabr — Xalqaro tabiiy ofatlar xavfini kamaytirish kuni munosabati bilan ma’rifiy seminar tashkil etildi.
​Tadbirda tabiiy ofatlarning oldini olish, favqulodda vaziyatlarda to‘g‘ri harakat qilish, xodimlar va talabalarning xavfsizligini ta’minlash hamda yuzaga kelishi mumkin bo‘lgan xavf-xatarlar oqibatlarini kamaytirish masalalariga alohida e’tibor qaratildi.
​Muloqot davomida ta’kidlanganidek, tabiiy ofatlar xavfini kamaytirish barchamizning umumiy mas’uliyatimizdir. Xavfsizlik qoidalariga qat’iy rioya qilish, profilaktik tayyorgarlik ko‘rish va doimiy ogohlik insonlar hayotini asrashda hal qiluvchi ahamiyatga ega.

​Abu Ali Ibn Sino nomidagi Buxoro davlat tibbiyot instituti axborot xizmati