Uchrashuv O‘zbekiston Respublikasi Prezidenti rahbarligida o‘tkazilgan “Yoshlar siyosati sohasidagi ishlar natijadorligini oshirish hamda ular bilan ishlash tizimini yana-da takomillashtirish chora-tadbirlari to‘g‘risida”gi videoselektor yig‘ilishida berilgan topshiriqlar ijrosiga bag’ishlandi.

Bunda talabalarga jamiyatda yurish-turish va odob-axloq qoidalariga amal qilish, ayniqsa, tungi vaqtlarda bemaqsad yurish oqibatida sodir bo‘lishi mumkin bo‘lgan turli ko‘ngilsiz holatlar, firibgarlik, o‘g‘irlik va kiber jinoyatchilik qurboniga aylanib qolmaslik xususida tushuntirishlar berildi.

Bugungi kunda davlatimizda yoshlarni har tomonlama qo‘llab-quvvatlash, ularning jamiyatdagi rolini mustahkamlashga doir yaratilayotgan qulay va keng imkoniyatlardan samarali foydalanish kerakligi ham alohida taʼkidlandi.

Shuningdek, muloqot chog’ida institut talaba yoshlari sohaga doir o’zlarining qiziqtirgan savollariga javoblar olishdi.