Buxoro shahridagi musiqali drama teatrida bo’lib o’tgan diniy ekstremizm va radikalizm g’oyalariga qarshi kurashish mavzusidagi uchrashuvda tadbirni rektor maslahatchisi Ma’ruf Maxmudov kirish so’zi bilan ochib berdi va mehmonlarni tanishtirib o’tdi.

Maʼlumki, bugun baʼzi davlat va jamiyatlarda murakkab ijtimoiy-siyosiy jarayonlar kechmoqda. Yaqin Sharq va boshqa hududlardagi qator mamlakatlar chuqur siyosiy tanglik, ijtimoiy va iqtisodiy beqarorlik va qurolli toʻqnashuvlarni boshidan kechirmoqda. Bularning sababini esa oʻsha hududlardagi diniy ekstremistik va terroristik harakatlarning avj olganligi bilan izohlash mumkin.

Toshkent xalqaro islom akademiyasi professorlari talabalarga diniy ekstremizm va terrorizm haqida tushunchalar berib, yurtimizda hukm surayotgan tinch va osuda hayotning qadriga yetish hamda asrash, uning mustaqilligi va barqarorligiga munosib hissamizni qoʻshish har birimizning burchimiz ekanini taʼkidladi.

Suhbat davomida talabalar o’zlari qiziqtirgan savollarga javob olishdi.