Abu Ali ibn Sino nomidagi Buxoro davlat tibbiyot – institutida yangilanayotgan Konstitutsiyamizga kiritilgan o‘zgartish va qo‘shimchalar mazmun-mohiyatiga bag‘ishlangan, yuqoridagi shior ostida o‘tkazilgan “Ma’naviyat festivali”da jam bo‘lgan institut jamoasi, ayniqsa, siyosiy huquqlaridan foydanish arafasida turgan talabalar o‘zlari uchun qimmatli ma’lumotlarga ega bo‘lishdi. 

Mehmonlar o‘z nutqlarida yangi Konstitusiya loyihasiga kiritilayotgan o‘zgartirishlar va ularning inson manfaatlari bilan uyg‘un jiyatlariga urg‘u berib o‘tishdi. Ustoz ziyolilar tomonidan “Mohi Xossa” fuqarolar yig‘ini faollarining mazkur siyosiy jarayondagi faolligi alohida qayd etildi. 

– Bugungi siyosiy jarayonda faolligimiz, avvalo yorqin kelajagimzga, jonajon farzandlarimizga bo‘lgan e’tibor, desak ayni haqiqatni aytgan bo‘lamiz. Zero, biz erkin yashash, erkin fikrlash, erkin ssho‘lash kabi qadriyatlarimizni ertangi avlodga ham betalofat topshirishda burchdormiz, – deydi Toshkent davlat yuridik universiteti professori, jamiyat a’zosi Firuza Muhiddinova.

Tadbirda Buxoro viloyati bo’ylab o’tkaziladigan ma’naviy tadbirlarda faol ishtirok etadigan targ’ibotchilar respublika tashkiloti tomonidan ”Ma’naviyat targ’ibotchisi” ko’krak nishoni va esdalik sovg’alari ilan taqdirlanishdi. Bunday yuksak e’tirof bilan Abu Ali ibn Sino nomidagi Buxoro davlat tibbiyot instituti Yoshlar bilan ishlash va ma’naviyat ishlari bo’yicha birinchi prorektor Zubayda Bahronova ham taqdirlandi. shuningdek, institut dotsenti Qahramon Tursunov ham aynan shu unvonga munosib topildi.

Festival doirasida tadbir ishtirokchilarning qalbida vatanparvarlik, yurt taqdiriga daxldorlik kabi yuksak tuyg’ularni yanada chuqurroq ildiz ottirish maqsadida respublika bo’ylab o’tkazib kelinayotgan “Vatan manzumasi” adabiy-ma’rifiy kechalardagi yorqin lavhalar aks etgan videolavha namoyish etildi.

Bu kabi targ‘ibot tadbirlari viloyatning barcha hududlarida ko‘tarinki kayfiyatda va fuqarolarning faolligida kechmoqda.