An’anaga muvofiq har oyning oxirgi sanalarida oliy ta’lim muassasalarida sarhisob oyligi – ya’ni ilmiy kengash yig’ilishi bo’lib o’tadi.

Bugun Abu Ali ibn Sino nomidagi Buxoro davlat tibbiyot institutida navbatdagi ilmiy kengash yig‘ilishi o‘tkazildi. Ilmiy kengash yig‘ilishi dastlab, ilmiy darajaga erishgan, milliy hamda xalqaro ko‘rik-tanlov va olimpiadalarda faol ishtirok etib, g‘oliblikni qo‘lga kiritgan talabalarni taqdirlash bilan boshlandi.

Ta’kidlash joizki, noyabr dekabr oylari institut uchun nafaqat professor-o’qituvchilar, balki talaba yoshlar uchun ham omadli keldi. Rahbariyatning bir necha xorijiy safarlarda ishtirok etib, xalqaro reytinglarda oliygoh mavqe’ining yuqorilangani hamda qator loyiha va dasturlarning imzolangani kuzatilgan bo’lsa, institut talabalari ham xalqaro hamda mahalliy doiradagi nufuzli fan olimpiadalarida qatnashib yuqori o’rinlarni qo’lga kiritishdi.

Bugungi kengash yig’ilishida ham Qozog’iston Respublikasi, Toshkent va Samarqand shahrida utkazilgan olimpiada g’oliblari institut rektori – ilmiy kengash raisi tomonida taqdirlandi

Shu bilan birga, iqtidorli talabalarimiz “Zakovat” intellektual musobaqasining respublika bosqichida 50ta oliy ta’lim muassasasi orasida 4-o’rinni egallagani ham nafaqat institut, balki viloyatimiz yoshlari obro’siga katta hissa qo’shdi.

Yig‘ilish kun tartibidan fakultetlarda kuzgi semestr yakunlari, Professor-o‘qituvchilar va talabalar akademik almashinuvi hamda talabalar orasida olib borilayotgan ma’naviy-axloqiy tarbiya ishlari bo‘yicha mas’ullarning ma’ruzalari tinglandi.

Shuningdek, yig‘ilish kun tartibi davomida ilmiy axborotlar tinglandi.