Bugun Abu Ali ibn Sino nomidagi Buxoro davlat tibbiyot institutiga Rossiya Federatsiyasining nufuzli oliy tibbiyot ta’lim muassasalaridan biri bo‘lgan Ijevsk davlat tibbiyot akademiyasining 4 nafar talabasi amaliy tajriba o‘tash maqsadida tashrif buyurdi.

📄 2024-yilda imzolangan oliy ta’lim muassasalari o‘rtasidagi o‘zaro hamkorlik to‘g‘risidagi memorandum asosida mazkur akademik mobillik dasturi doirasida ushbu tashrif amalga oshirilmoqda.

👩‍⚕️👨‍⚕️ Davolash ishi hamda Pediatriya yo‘nalishlarida tahsil olayotgan talabalar institut klinikasi hamda boshqa tegishli tibbiy markazlarda 20 kun davomida yozgi malakaviy amaliyotni o‘tashadi.

🔹 Bugun institut rektori Shuhrat Teshayev mehmon talabalarni samimiy kutib olib, ularni amaliy jarayonlar, mavjud sharoit va imkoniyatlar bilan tanishtirdi.

📚 Amaliyot davomida har bir talaba uchun tajribali va malakali professor-o‘qituvchilar amaliyot rahbari sifatida biriktirildi.