​O‘zbekistonda har yili oktabr oyining birinchi haftasi “Keksalar haftaligi” sifatida nishonlanadi. Mazkur an’ana Vazirlar Mahkamasining 2019-yil 27-sentabrdagi 816-sonli qarori asosida yo‘lga qo‘yilgan bo‘lib, 1-oktabr — Xalqaro keksalar kuni bilan uzviy bog‘liq holda tashkil etiladi.
​Shu munosabat bilan Abu Ali ibn Sino nomidagi Buxoro davlat tibbiyot institutida ko‘p yillar davomida ta’lim va tibbiyot sohasi rivojiga munosib hissa qo‘shgan nuroniy professor-o‘qituvchilarni e’zozlashga bag‘ishlangan ma’rifiy tadbir o‘tkazildi.
​Tadbirda institut rahbariyati, faxriy professor-o‘qituvchilar, nuroniylar hamda jamoatchilik vakillari ishtirok etdi. Unda nuroniy ustozlarning ko‘p yillik samarali mehnati, boy hayotiy va kasbiy tajribasi, yosh avlod ta’lim-tarbiyasidagi beqiyos o‘rni haqida so‘z yuritildi.
​Tadbir davomida nuroniy ustozlarga chuqur hurmat va ehtirom izhor qilinib, ularning institut hayotidagi munosib o‘rni alohida ta’kidlandi. Yosh avlodga ilm-fan va kasb sirlarini o‘rgatib, ko‘plab shogirdlarni tarbiyalagan ustozlarning ibratli hayot yo‘li yoshlar uchun muhim namuna ekani qayd etildi.

​Keksalarni e’zozlash — milliy qadriyatlarimiz va yuksak insoniy fazilatlarimizning yorqin ifodasidir.

​Abu Ali Ibn Sino nomidagi Buxoro davlat tibbiyot instituti axborot xizmati