Anjumanda sohaga doir dolzarb mavzularda xalqaro va mahalliy olimlardan muhim ma’ruzalar eshitilmoqda. Ushbu tadbirda mamlakatimiz mutaxassislaridan tashqari Rossiya, Belorussiya kabi qator xorijiy davlatlardan olimlar, ekspertlar ishtirok etyapti.

Tadbirda onlayn shaklda ishtirok etayotgan institut rektori Shuhrat Teshayev so‘zga chiqib, ushbu anjuman ko‘z kasalliklarni aniqlash, oldini olish, davolash bo‘yicha ilg‘or yondashuvlarni o‘rganish hamda amaliyotga tatbiq etish borasida platforma vazifasini o‘tashini, kelgusida viloyatda bu anjumanda ilgari surilgan g‘oyalarni amalda tadbiq qilishga imkoniyatlar yaratilishini ta’kidladi.

Shuningdek, tadbirda sohada uzoq yillar samarali mehnat qilib kelayotgan olimlar, shifokorlar “Abu Ali ibn Sino” nomidagi ko’krak nishon bilan taqdirlanishdi.