Buxoro davlat tibbiyot institutida tashkil etilgan Talabalar teatr studiyasi festivali mamlakatimizda amalga oshiralayotgan keng ko‘lamli islohotlarda yoshlarning faol ishtirokini ta’minlash, yuksak ma’naviyatli, mustaqil va erkin fikrlaydigan yoshlarni tarbiyalashga qaratilmoqda.

Tadbirda so‘z olgan institut rektori Shuhrat Teshaev “Yoshlar –  kelajak bunyodkori!” shiori ostida  o‘tkaziladigan  festivalini doirasida iste’dodli talabalar tomonidan sahnalashtirilgan asarlar yoshlar ma’naviyatini boyitish, ularni sahna san’atining mumtoz namunalari bilan yaqindan tanishtirish, ijodiy fikrlash qobiliyatini o‘stirishda muhim omil ekanini ta’kidladi.

Studiyalarga teatr san’atiga mehr qo‘ygan iqtidorli yigit-qizlar jalb etilib, ular milliy va jahon adabiyoti asarlarini sahnada ijro etishdi.