Shu kunlarda Abu Ali ibn Sino nomidagi Buxoro davlat tibbiyot instituti rektori Shuhrat Teshayev boshchiligidagi institut delegatsiyasi Xitoy Xalq Respublikasida bo’lib turishibdi. Bugun vakillarimiz Pekin shahridagi Xitoy Milliy Yadro korporatsiyasi va uning klinikasida bo’lishdi.

Bu yerda ikki tomon yadro tibbiyot markazini tashkil etish bo’yicha muzokaralar olib borishdi, Pekinda shu korporatsiya tomonidan yangi qurilgan va jihozlash jarayonida bo’lgan markaz faoliyati borib o’rganildi.

Klinika va klinikada yadro tibbiyot markazi xamda kafedra faoliyati urganildi, xamkorlikda yadro tibbiyot markazi uchun kadrlar tayyorlash va malaka oshirish masalari muokama etildi. Xitoy safari davom etmoqda.

Ma’lumot uchun: Xitoy Milliy Yadro korporatsiyasi (CNNC) asosan yadro energetikasi, yadroviy yoqilg’i aylanishi, yadroviy dasturlar, atrof-muhitni muhofaza qilish va yadroviy muhandislik, shuningdek, xalqaro hamkorlik, import va eksport sohalarida tadqiqot va ishlanmalar, qurilish, ishlab chiqarish va ekspluatatsiya bilan shug’ullanadi.