Kecha mazkur nufuzli tadbirning ochilish marosimi bo‘lib o‘tdi

Unda Maktabgacha va maktab ta’limi vaziri o‘rinbosari Sardor Radjabov, viloyat hokimligi, mutasaddi tashkilotlar vakillari, shuningdek, xorijiy davlatlardan tashrif buyurgan yoshlar qatnashdi.

Bayram tadbiriga ulanib ketgan marosimda so‘zga chiqqanlar mazkur musobaqaning ahamiyatli jihatlari hamda uning ishtirokchi o‘quvchilar hayotidagi o‘rni xususida atroflicha fikr bildirishdi.

Vazir o‘rinbosari o‘z so‘zi davomida buyuk mutafakkir Abu Ali ibn Sinoning dunyo ilm-fan rivojiga qo‘shgan ulkan hissasi, uning ilmiy me’rosi va faoliyati bugungi kunga qadar dunyo olimlari tomonidan o‘rganib kelinayotganligini alohida ta’kidlab o‘tdi.

O‘zaro do‘stona va quvnoq tarzda davom etgan olimpiadaning ochilish marosimi davomida diltortar kuy-qo‘shiqlar ham yangradi.