Buxoro davlat tibbiyot instituti rektori Sh.J.Teshayev Yevropa Ittifoqining “Erasmus Plus Harmonee” nomli loyihasi doirasida 6-9 oktabr kunlari tashkil etiladigan yig‘ilishda ishtirok etish maqsadida Italiyaga safarga yo’l oldi. Safar davomida Milan universiteti bilan hamkorlik memorandumini imzolash maqsad qilingan. Bundan tashqari o’tkaziladigan yig’ilishlarda loyiha doirasida Qozogiston, Qirg’iziston, Tojikiston oliy ta’lim muassasalari bilan birgalikda bajarilgan ishlar hisoboti, kelgusidagi uchrashuvlar haqidagi masalalar ochiq muloqot shaklida muhokama qilinishi rejalashtirilgan.