O’zbekiston Respublikasi Abu Ali Ibn Sino nomidagi Buxoro Davlat tibbiyot instituti epidemiologiya kafedrasi mudiri, tibbiyot fanlari doktori, Professor Mehriniso Mirzoyeva AMU yuqumli kasalliklar kafedrasi I davolash-profilaktika fakulteti talabalari bilan uchrashdi.

Tadbir davomida professor “o’ta xavfli infeksiyalarning epidemiologiyasi, klinikasi va davolash tamoyillari” mavzusida taqdimot o’tkazib, dunyoda ro’y berayotgan yangiliklar va bu boradagi so’nggi ma’lumotlarga e’tibor qaratdi. Mehriniso Mirzoyevaning nutqi kafedra xodimlari va talabalar tomonidan qiziqish bilan tinglandi. U professor-o’qituvchilar orasida keng muhokamaga sabab bo’lgan dolzarb va qiziqarli mavzuga to’xtalgani ta’kidlandi.

Shundan so’ng Buxoro Davlat tibbiyot instituti va Ozarbayjon tibbiyot instituti o’rtasida imzolanishi kutilayotgan hamkorlik memorandumi doirasida ushbu kafedralar tomonidan qo’shma ilmiy-tadqiqot ishlarini olib borish, ilmiy maqolalar yozish va darsliklar tayyorlash bo’yicha fikr almashildi.