Kafedra tarixi

  Kafedra Abu ali ibn Sino nomidagi  Buxoro davlat tibbiyot institutining  birinchi  rektori, professor A.I.Mo’minov tomonidan 1990 yilning 30 oktyabridagi chiqarilgan № 47-sonli buyruq asosida tashkil etildi. Kafedra mudiri etib  o’sha paytgacha II ToshDavTI Gistologiya kafedrasida ishlab kelgan tibbiyot fanlari nomzodi, dotsent R.D.Davronov tayinlandi.

 Kafedra o’z faoliyatini  1991-1992 o’quv yilining 2 sentyabridan quyidagi tarkibda boshladi (1- rasm):

      –    R.D.Davronov  –  kafedra  mudiri

      –    J.A.Porsoyev    – assistent, o’quv  ishlari  bo’yicha  mas’ul

      –    R.H.Hamdamov  –  assistent, xo’jalik  ishlari  bo’yicha  mas’ul

      –    R.Y.Ergashev – assistent, ma’naviy-tarbiyaviy ishlar bo’yicha  mas’ul

      –    A.A.To’xtayev –  assistent, ilmiy ishlar bo’yicha mas’ul

      –    N.N.Xabibullayeva  – katta laborant

      –    N.Ochilova – laborant

Gistologiya  kafedrasida  o’tgan  davr  mobaynida quyidagi professor – o’qituvchilar  va texnik xodimlar faoliyat ko’rsatdilar: B.A.Xidoyatov- kafedra mudiri, professor;  assistentlardan: R.X.Xamdamov, A.A.To’xtayev, Sh.Sidiqova, M.J.Hamroyeva, X.T.Rajabov, N.E.To’xsanova, Z.J.Jumayeva, J.G’.Kenjayeva, M.Safarova, O.I.Jabborova, K.Sh.Jumayev; laborantlardan: M.Xidoyatova, M.X.Baxronova, N.I.Xabibullayeva

Kafedra professor-o’qituvchilari tomonidan quyidagi muammolar bo’yicha ilmiy-tadqiqot ishlari olib borilmoqda:

1) Turli xildagi  antigenlar hamda noxush ekologik faktorlarning immun tizimi a’zolari  struktura va funktsiyasiga ta’sirini o’rganish;

2) Tabiiy va sun’iy ovkat omillarining endokrin tizim a’zolari morfologiyasiga ta’sirini o’rganish (tajriba-xolatida);

3) Toksik gepatit va surunkali enterokolit xolatlarining laktatsiya jarayoniga hamda keyingi avlodda immun tizimi a’zolarining shakllanishiga ta’sirini o’rganish.

                  O’quv jarayonini optimallashtirish maqsadida  2005 yil 22 apreldan boshlab gistologiya va tibbiy biologiya kafedralari o’z faoliyatini birlashtirilgan  xolatda davom ettirdi. Ushbu yillarda  kafedra mudirlari etib dotsent  R.D.Davronov (2005-2013 y.y.), va  professor B.A.Hidoyatov (2013-2016 y.y.) lar tayinlandilar.

                  Ma’lumki,  tibbiyot  fanlari  doktori, professor B.A.Xidoyatov    1996 yildan boshlab  qariyib 20 yil  Buxoro davlat tibbiyot institutida  o’quv ishlari bo’yicha  prorektor lavozimida ishlash bilan birgalikda  yuqori   metodologik  saviyada  odam  anatomiyasi va gistologiya fanlaridan ma’ruzalar hamda amaliyot darslari olib bordi. Professor B.A.Hidoyatov  kafedra  mudiri  lavozimida  ishlagan  davrda  uning ilmiy rahbarligida  1 nafar magistr ( B.S.Shokirov) tayyorlandi, ulardan biri hozirgi paytda kafedrada assistent lavozimida  ishlab kelmoqda.

Kafedrada  gistologiya, sitologiya va embriologiya fanini o’qitish   jarayonida   yangi  ta’lim  texnologiyalari  (o’quv mulьtimediyalari,  internet   xabarlari, masofaviy o’qitish va x.k.) hamda interfaol     usullar (“Aylana stol”, “Miya  xujumi”, “Stol ustida ruchka”, Galereya  bo’ylab tur” va x.k.) dan keng  foydalaniladi.

O’tgan davrda kafedra xodimlari tomonidan 9 ta o’quv qo’llanmalar, 3 ta monografiyalar, 200 dan ortik multimediyalar, 30 ta o’quv – uslubiy qo’llanmalar va 100 dan ortiq ilmiy maqolalar tayyorlangan. 

 Kafedra xodimlarining  faol ishtirokida  Buxoro davlat tibbiyot instituti bazasida 2008 yilning 14-17 may kunlarida Xalqaro Morfologlar Assotsiatsiyasining  IX kongressi  hamda  O’zbekiston morfologlari  Assitsiatsiyasining IY qurultoyi  yuqori saviyada o’tkazildi.

             Kafedra  faoliyatining  asosiy yo’nalishlaridan biri-ma’naviy-ma’rifiy  va  tarbiyaviy  ishlar hisoblanadi. Ushbu faoliyat Buxoro viloyati tumanlari axolisi  bilan, akademik guruxlarda,  talabalar  turar  joylarida olib borilmoqda. Tadbirlar  mavzulari  keng  qamrovli  bo’lib, Prezident farmonlari, Vazirlar Mahkamasining qarorlari, vazirliklar va xokimliklar buyruqlarining  mazmun-mohiyatiga, “ustoz-shogird” tizimi faoliyatiga hamda kunning dolzarb mavzulariga  bag’ishlanganligi bilan e’tiborga molikdir

Kafedra o’z  faoliyati mobaynida xalqaro maydonda Rossiya federasiyasining Omsk tibbiyot universiteti (Gistologiya kafedrasi mudiri professor B.B.Semchenko), Qozog’stonning  Qaraganda tibbiyot universiteti (dosent B.B.Britko), Qirg’izistonning O’sh tibbiyot universiteti (Gistologiya kafedrasi mudiri professor S.T.Shatmanov), Turkiya respublikasi Sog’liq bilimlari universiteti (Gistologiya va embriologiya kafedrasi professori Sapmaz Tansel) bilan hamkorlikda o’quv-uslubiy va ilmiy-tadqiqotlar olib bormoqda.  

O’tgan davr mobaynida kafedra xodimlari tomonidan 1 ta nomzodlik  dissertatsiyasi himoya qilindi (O.I.Jabborova “Buxoro vohasi xonqizi qo’ng’izlarining ekologik, biologik va xo’jalik ahamiyati”, 2011 yil)

                    Kafedra a’zolari tomonidan quyidagi nufuzli o’quv va ilmiy ishlar yaratilgan:

1)R.D.Davronov, O.I.Jabborova, J.A.Porsoyev “Gistologiyadan mikro-fotogrammalar atlasi”, o’quv qo’llanma, Buxoro, 2014 y.

2) B.A.Xidoyatov, R.D.Davronov, J.A.Porsoyev, O.I.Jabborova

“Gistologiya, sitologiya va embriologiya fanidan test savollari”, o’quv qo’llanma, Buxoro, 2015 y.

3) J.A.Porsoyev “Morfologicheskiye osobennosti nadpochechnikov

pri yestestvennom i iskusstvennom vskarmlivanii v rannem postnatalьnom ontogeneze” monografiya, Buxoro, 2016 y.

4)B.B.Xasanov  “Patofiziologik atamalarning izoxli lug’ati”, o’quv qo’llanma, Buxoro, 2018 y.

 5) R.D.Davronov, O.I.Jabborova, J.A.Porsoyev, B.S.Shokirov, N.I.Xudoykulova “Qon tizimi morfologiyasi” o’quv qo’llanma, Buxoro,2019y.

 6) R.D.Davronov “Morfo-funktsionalnye osobennosti adaptivnыx izmeneniy sentralnыx  i perifericheskix organov sistemы immuniteta pri antigennom vozdeystvii”,  monografiya, Buxoro , 2020 y.

7)  R.D.Davronov, B.B. Xasanov, B.S. Shokirov, Davronova   Sh, Xalimova  Y –  Ovqat hazm qilish tizimi  o’quv qo’llanma, Buxoro, 2021 y

                    2019-2020 o’quv yilidan boshlab kafedra maqomi  o’zgartirilib, Gistologiya, sitologiya va embriologiya nomi bilan  alohida kafedra sifatida faoliyat ko’rsata boshladi. Kafedraning  hozirgi paytdagi tarkibi quyidagicha (5 rasm): R.D.Davronov – kafedra mudiri, dotsent; B.B.Xasanov – katta o’qituvchi, tibbiyot fanlari nomzodi,  ilmiy ishlar bo’yicha mas’ul;  Sh.R.Davronova – assistent, o’quv ishlari bo’yicha  javobgar; B.S.Shokirov – assistent, axborot texnologiyalari bo’yicha mas’ul; S.B.Azimova – assistent, ma’naviy va tarbiyaviy ishlar bo’yicha mas’ul; assistentlar – N.A.Oripova, ,  G.R.Axmatova, Xalimova Yu, Xasanova M, laborant M.Murodova.