Psixiatriya, narkologiya va tibbiy psixologiya kafedrasi
16.12.2021 2025-01-04 12:09Psixiatriya, narkologiya va tibbiy psixologiya kafedrasi
Muxammadiyeva Nigina Baxodirovna
Kafedra mudiri
Ta’lim darajasi: oliy
Mutaxassislik: davolash ishi, professional ta’lim,professional va qo’shimcha ta’lim
Mutaxasislik: psixiatr-shifokor
Ish tajribasi
Umumiy ishlagan davri: 23 yil
Mutaxasislik bo’yicha ishlagan davri: 20 yil
Toshkent tibbiyot akademiyasi, Bosh ilmiy metodik markaz, JanubiyQozoqiston davlat universiteti
Mutaxassislik (bakalavriat)
5510100 Davolash ishi
Psixiatriya va narkologiya
Tibbiy psixologiya
511000 – Kasbiy ta’lim (davolash ishi)
Psixiatriya va narkologiya
Tibbiy psixologiya
5510200 – Pediatriya
Psixiatriya va narkologiya, bolalar psixiatriyasi
Tibbiy psixologiya
5510300 – Tibbiy-profilaktika ishi
Psixiatriya va narkologiya
Tibbiy psixologiya
5510400 –Stomatologiya
Psixiatriya va narkologiya
5510700 – Oliy hamshiralik ishi
Psixiatriya va narkologiyada hamshiralik ishi
tibbiy psixologiya
Magistratura
70910204 – Psixiatriya
Umumiy psixiatriya
Xususiy psixiatriya
Klinik ordinatura
Psixiatriya
Narkologiya
Tibbiy psixologiya
Nomzodlik ilmiy ishi “Клинико–биохимические особенностидепрессивных расстройств у больных перенесших инфаркт миокарда, вопросы терапии”
Doktorlik ilmiy ishi “Менеджмент диагностики, ведения и терапии пациентов соматической клиники с психическими расстройствами”
70 dan ortiq ilmiy maqolalar, 2 ta monografiya, 2 ta darslik, 4 ta o`quv qo`llanma muallifi.
5 ta ilmiy izlanuvchi, 8 ta magistr, 12 ta klinik ordinatorlarga rahbarlik qilgan.
Scopus Author ID : https://www.scopus.com/authid/detail.uri?authorId=59243993800
Google scholar : https://scholar.google.ru/citations?user=E6teaGoAAAAJ&hl=ru
Kafedra xodimlari
Kafedra tarixi
Psixiatriya, narkologiya va tibbiy psixologiya kafedrasi tarixi institutimiz tarixining ajralmas qismi hisoblanadi. Buxoro davlat tibbiyot instituti tashkil etilgandan so‘ng rektor, professor A.I.Mo‘minov buyrug‘i bilan 1993-yilda “Psixiatriya, narkologiya va tibbiy psixologiya” kafedrasi tashkil etilib, unga tibbiyot fanlari nomzodi, dotsent Rifat Rizaevich Shakir- Aliev rahbarlik qildi. 1996 yildan 1998 yilgacha Buxoro viloyat nevropsixiatriya dispanserining bosh shifokori Hamro Salievich Hamdamov kafedraga rahbarlik qilgan. 1998-2012 yillarda kafedrani Muxtorova Xakikat Karimjonovna boshqargan. Aynan u hududiy psixiatriya ilmiy maktabiga asos solgan. Uning rahbarligida iqtidorli talabalar klinik ordinatura va magistraturaga qabul qilindi. Bugungi kunga qadar viloyat psixiatriya-narkologiya xizmati faoliyatini takomillashtirishga salmoqli hissa qo‘shayotgan 40 nafardan ortiq bitiruvchilar viloyat ruhiy-asab shifoxonasi va narkologiya dispanserining bo‘limlarida mehnat qilmoqda. Xakikat Karimjonovna tomonidan quyidagilar taklif qilindi va amalga oshirildi: klinik tahlil, diagnostikaga tizimli-dinamik yondashuv, umumiy psixopatologiyani puxta bilish, psixiatrik adabiyotlarga bo’lgan ehtiyoj, amaliy sog’liqni saqlash bilan yaqin hamkorlik, zamonaviy pedagogik jarayon, psixiatriyani asosiy manbalardan o’rganish. Kafedrada uzoq yillar M.K.Kenjaev, L.F.Abdullaevalar assistent lavozimlarida ishladilar. U. I. Qoʻchqorov, Yu. Yu. Ergasheva, N.B. Muhamadiyeva, U. T. Rustamov ustozlar izidan borib, ilmiy va pedagogik faoliyat bilan shug`ullanishdi. Yosh mutaxassislar o’z joniga qasd qilish, narkologiya, psixosomatika va somatopsixiatriya yo’nalishlarida ilmiy izlanishlar olib borishdi. 2000 yildan (hozirgi kungacha) O‘zbekiston Respublikasi Sog‘liqni saqlash vazirligi buyrug‘i bilan sud-psixiatriya ekspertizasi masalalarini hal etish X.Q.Muxtorova boshchiligidagi guruh zimmasiga yuklatilgan.
2019-yil 6 sentabrdan Muxamadiyeva Nigina Baxodirovna Psixiatriya, narkologiya va tibbiy psixologiya kafedrasi mudiri etib tayinlandi.
U va kafedra xodimlari: dotsentlar Muxtorova X.K., Qo‘chqorov U.I., Ergasheva Yu.Y., assistentlar Rustamov U.T., Tilavov M.T., Nazarov A.I. kafedra tarixining keyingi sahifalarini yozishi kelajakda kutilmoqda.
O'quv-metodogik faoliyat
Kafedraning asosiy bazasi Gazli shohko`chasi bo‘yida joylashgan Buxoro viloyat psixonevrologiya dispanseri hisoblanadi. Ikkinchi baza Respublika narkologiya ilmiy-amaliy tibbiyot markazining Buxoro filialida joylashgan.
Ikkala markazda ham talabalarga fanlar asoslari o‘rgatiladi, rejalashtirilgan, munozarali maslahatlar o‘tkaziladi.
Kafedrada pedagogik, tibbiyot va ilmiy ishlarda katta tajribaga ega 3 nafar fan nomzodi, 3 nafar dotsent, 1 nafar falsafa fanlari doktori va assistentlar faoliyat yuritadi. Kafedraning asosiy ilmiy-amaliy yo‘nalishi sud-psixiatriyasi hisoblanadi.
Fanlar zamonaviy texnologiyalar (statsionar kompyuterlar, audio va video jihozlar, multimedia proyektori, noutbuk) bilan jihozlangan auditoriyalarda o‘qitilmoqda. Kafedraning moddiy-texnik bazasi yildan-yilga yaxshilanib bormoqda.
So‘nggi yillarda Xalqaro fakultet talabalariga fanlar ingliz tilida o‘qitilmoqda.
Kafedra xodimlari tomonidan psixiatriya, narkologiya, tibbiy psixologiya fanlarining turli bo‘limlari bo‘yicha 5 ta o‘quv qo‘llanma va 20 dan ortiq uslubiy qo‘llanmalar tayyorlanib nashr etilgan.
Kafedrada nafaqat bakalavrlar va magistrlar, balki MOF (FPK) tinglovchilari uchun ham o‘quv-uslubiy materiallar chop etilib, ular yordamida tinglovchilar amaliy mashg‘ulotlarda shug‘ullanadilar.
Kafedraning ilmiy faoliyati
O‘zbekiston Respublikasi Oliy attestatsiya komissiyasi tomonidan ko‘rib chiqilgan manbalarda o‘tgan davr mobaynida kafedra xodimlari tomonidan 200 dan ortiq maqolalar chop etilgan.
Kafedra xodimlari respublika, xalqaro konferensiya, kongress va simpoziumlarda ilmiy ma’ruzalar bilan chiqishadi.
Talabalar ilmiy to‘garagi va talabalar ilmiy jamiyati muvaffaqiyatli faoliyat yuritmoqda. Har yili turli konferensiyalarda zamonaviy psixiatriya va narkologiyaning dolzarb masalalari bo‘yicha 5-6 ta ma’ruzalar tinglanadi, 2020 yilda pediatriya fakulteti talabasi Dinara Nasimova 2 ta respublika olimpiadalarida (1 va 2-o‘rinlar) g‘oliblikni qo‘lga kiritdi.
Patentlar
№ | Nomi | Mualliflar | status |
1 | Nevrotik kasalliklarni davolash samaradorligini baholashda xavotirlanish shkalasi | Mukhamadieva N.B. Muxtorova X.K. Rustamov U.T. Ergasheva Yu.Y. Quchqorov U.I. | № DGU 07952 |
2 | Depressiya darajasini baholash va ekzogen ruhiy kasalliklarni davolash algoritmini yaratish | Mukhamadieva N.B. Muxtorova X.K. Rustamov U.T. Ergasheva Yu.Y. Quchqorov U.I. | № DGU 07951 |
3 | Ruhiy buzilishlar sindromologiyasi | Muxtorova X.K. Mukhamadieva N.B.
| №001810 |
Rejalashtirilgan ilmiy tadqiqotlar
Dissertatsiya tadqiqoti:
№ | Mavzu nomi | TO’LIQ ISM. bosh, lavozimi, ilmiy darajasi, ilmiy unvon | TO’LIQ ISM. ijrochilar, lavozimi, ilmiy darajasi, ilmiy unvon | Ro’yxatdan o’tish raqami (agar mavjud bo’lsa) |
| Psixosomatik patologiyasi bo’lgan bemorlarni diagnostika qilish va davolashni takomillashtirish (somatik klinikada) | Tibbiyot fanlari doktori, professor Magzumova Sh.Sh. | Ph.D. Mukhamadieva N.B. |
|
| Oshqozon va o’n ikki barmoqli ichakning xavfli o’smalarida ruhiy buzilishlar, ularni tuzatish yo’llari | Tibbiyot fanlari doktori, professor Alimov U.X. | Ass. Rustamov U.T. | В2020.3.PhD/Tib1430 |
| Nogiron somatik kasalliklari bo’lgan shaxslarning o’z joniga qasd qilish harakati, uni tuzatish va oldini olish bo’yicha yondashuvlarni optimallashtirish | Tibbiyot fanlari doktori, professor Tursunxo‘jaeva L.A. | Tibbiyot fanlari nomzodi, dots. Ergasheva Yu.Y. | В2020.3.DSc/Tib462 |
4 | Kognitiv buzilishlarni baholashning klinik va ijtimoiy samaradorligi va endogen ruhiy kasalliklarga chalingan bemorlarni davolashning zamonaviy usullari. | Tibbiyot fanlari doktori, professor Xodjaeva N.I. | Tibbiyot fanlari nomzodi, dots. Qo‘chqorov U.I. |
Xalqaro hamkorlik
Hamkorlik doirasida kafedra xodimlari mahalliy va xorijiy oliy o‘quv yurtlaridagi hamkasblari hamda Respublika va Xalqaro psixiatrlar assotsiatsiyasi bilan qo‘shma loyihalarda muntazam ishtirok etib kelmoqda.
Kafedra xodimlari respublika va xorijiy markazlarda malakalarini muntazam oshirib boradilar. Ular akademik mobillik dasturlarida faol ishtirok etadilar.
Butunjahon psixiatrlar assotsiatsiyasi, Belarus psixiatrlar jamiyati bilan xalqaro hamkorlik
Xalqaro psixiatrlar konferensiyasi, Rossiya, Maxachkala, 2019 yil
Evropa psixiatrlar kongressi, Nitstsa, Frantsiya, 2018 yil
Rossiya Psixiatrlar Jamiyati bilan hamkorlik
Rossiyalik hamkasblar bilan qo’shma ta’lim loyihasi
Ma'naviy-ma'rifiy faoliyat
Davolash ishlari
Kafedraning barcha xodimlari klinikalarda tibbiy faoliyat olib boradilar.
Muntazam ravishda klinik konsiliumlar va konsultatsiyalar, bo‘lim xodimlari ishtirokida tibbiy-maslahat komissiyalari, shuningdek, sud-psixiatriya ekspertizasi masalalari o‘tkazilmoqda.
Vaqti-vaqti bilan ilmiy-amaliy konferensiyalar tashkil etilib, kafedra xodimlari tomonidan shifoxonaning barcha bo‘limlarida va dispanserning ambulatoriya qismida faol ravishda konsultativ qabul o‘tkazilmoqda.
Buxoro viloyati psixiatrlarining uchrashuvlari muntazam o‘tkazilib, ularda dolzarb muammolar va amaliyotdan qiziqarli klinik holatlar muhokama qilinmoqda. Yig‘ilishlarda nafaqat shifoxona mutaxassislari, balki viloyat tumanlari, poliklinika va shahar shifoxonalari shifokorlari, magistrlar, ordinatorlar, yuqori kurs talabalari ham ishtirok etmoqda.
Shuningdek, kafedra xodimlari viloyat tibbiyot muassasalari xodimlarining malakasini oshirish, viloyatning chekka hududlarida ham maslahatlar berishda faol ishtirok etmoqda.
