Maqola mavzusi

Mualliflar

Жураева Г.Б.

Muassasa

Тошкент давлат тиббиёт университети, Тошкент ш., Ўзбекистон

Annotatsiya

Ушбу тадқиқот тухумдон эндометриозида эстроген (ER-α) ва прогестерон (PR-α) рецепторларининг экспрессияланиш даражасини ва уларнинг патогенетик аҳамиятини баҳолашга қаратилган. Тадқиқот материали сифатида Ўзбекистон Республикаси Республика патологик анатомия маркази биопсия диагностикаси бўлимида 2016–2021 йилларда эндометриоз ташхиси билан жарроҳлик йўли орқали олиб ташланган тухумдон тўқималари ўрганилди. Жами 36 нафар пациент материаллари таҳлил қилинди, уларнинг ўртача ёши 28,5±4,2 йилни ташкил этди. Макроскопик ва гистологик текширувлар эндометриозга хос безлар ва кисталар ривожланган соҳалардан олинган биопсия бўлакчаларида амалга оширилди. Гистологик кесмалар гематоксилин-эозин усулида бўялгандан сўнг, иммуногистокимёвий таҳлил Ventana Benchmark XT (Roche, Швейцария) автоматлаштирилган тизимида ўтказилди. ER-α ва PR-α рецепторларининг экспрессияси HS (Histological Score) формуласи асосида баҳоланди ва суст, ўртача ҳамда кучли экспрессия даражалари аниқланди.  Олинган натижаларни статистик қайта ишлаш Statistica Windows 10.0, SPSS Statistics 22 ва Microsoft Excel дастурлари ёрдамида амалга оширилди. Гуруҳлар ўртасидаги фарқлар Манна–Уитни тести орқали баҳоланиб, статистик ишончлилик даражаси p≤0,05 деб қабул қилинди. Тадқиқот натижалари тухумдон эндометриозида гормон рецепторларининг экспрессиясидаги ўзгаришлар касалликнинг ривожланиши ва сурункали кечишида муҳим патогенетик аҳамиятга эга эканлигини кўрсатди. Олинган маълумотлар эндометриоз патогенезини чуқурроқ тушуниш, диагностика аниқлигини ошириш ҳамда келажакда индивидуаллаштирилган гормонал даволаш стратегияларини ишлаб чиқиш учун илмий-амалий асос бўлиб хизмат қилади

Kalit so'zlar

тухумдон, эндометриоз, иммуногистохимия, эстроген, прогестерон, ER-α, PR- α рецепторлар

Adabiyotlar