Maqola mavzusi

Mualliflar

Давлатов С.С., Нурмурзаев З.Н., Нурмурзаев А.Н.

Muassasa

1-Абу Али ибн Сино номидаги Бухоро давлат тиббиёт институти, Бухоро ш., Ўзбекистон 2-Самарқанд давлат тиббиёт университети, Самарқанд ш., Ўзбекистон

Annotatsiya

Мақолада радиологик назорат остида амалга оширилувчи перкутан трансгепатик билиар дренажлаш (ПТБД) усулларининг диагностик ва даволаш самарадорлиги таҳлил қилинган. Тадқиқот 2018–2023 йилларда марказий клиник шифохоналарда ўт йўллари обструкцияси билан даволанган 187 беморнинг клиник материаллари асосида ўтказилган. Беморларнинг ўртача ёши 58,4±12,3 йилни ташкил этди, шулардан 62,0% (n=116) ҳолатларда обструкция бош сабаби ўт тошлари касаллиги, 24,1% (n=45) ҳолатларда малигн ўсмалар, 13,9% (n=26) ҳолатларда бошқа патологиялар бўлган. Перкутан транcгепатик холангиография (ПТХГ) ва унинг асосида амалга оширилган дренажлаш усуллари 89,3% (n=167) беморларда техник жиҳатдан муваффақиятли бўлиб, билирубин даражасининг дренажлаштиришдан кейинги 7 кун ичида ўртача 248,6±87,4 мкмоль/л дан 112,3±45,8 мкмоль/л гача (p<0,001) пасайиши қайд этилган. Асоратлар частотаси 12,8% (n=24) ни ташкил этиб, асосан гемобилия (5,3%), билома (3,7%) ва холангит (3,8%) кўринишида намоён бўлган. Тадқиқот натижалари шуни кўрсатдики, радиологик назорат остида амалга оширилувчи перкутан билиар дренажлаш усуллари юқори техник самарадорлик, нисбатан паст асоратлар даражаси ва жигар функциясининг тез тикланиши билан характерланади ҳамда механик сариқликни бартараф этишда биринчи танлов усули сифатида тавсия этилади

Kalit so'zlar

ўт йўллари обструкцияси, механик сариқлик, перкутан трансгепатик билиар дренажлаш, интервенцион радиология, минимал инвазив хирургия, холангиография

Adabiyotlar